டி ஸ்டூடியோஸ் – மாலி – மான்வி மூவி மேக்கர்ஸ், சன்னி டென்வி (டென்வி புரொடக்ஷன்) தயாரித்திருக்கும் காதல் ரீசெட் ரிப்பீட் படத்தை இயக்கியிருக்கிறார் விஜய்.
தொழில்நுட்ப குழுவினர்கள்:- கதை – ஏ. மகாதேவ் – விஜய், திரைக்கதை – ஏ. மகாதேவ், வசனம் – இயக்குநர் விஜய், இணை தயாரிப்பு – பிரபா பிரேம்குமார், இசை – ஹாரிஸ் ஜெயராஜ், ஒளிப்பதிவு – அரவிந்த் கிருஷ்ணா, எடிட்டிங் – ஆண்டனி, கலை இயக்கம் – சரவணன் வசந்த், சண்டை இயக்கம் – மனோஹர் வர்மா, ஆடை வடிவமைப்பு – ருசி முனோத், பாடல்கள் – வைரமுத்து, கார்க்கி ரூ ஆர்கஸ் ஆர்யன்நடன அமைப்பு – சாண்டி மாஸ்டர் மற்றும் ரகு தாபா, பப்ளிசிட்டி டிசைன் – வின்சி ராஜ், மக்கள் தொடர்பு – யுவராஜ்
இதில் மதும்கேஷ் – சித்தார்த், ஜியா சங்கர் – அதிதி, அர்ஜுன் அசோகன் – ஹரி என்கிற ஹரிச்சந்திரன், எம். எஸ். பாஸ்கர் – பால் மாணிக்கம், விஜி சந்திரசேகர் – சித்தார்த் அம்மா, ஜெயப்பிரகாஷ் – அதிதி அப்பா ஆகியோர் குறிப்பிட்ட கதாபாத்திரத்தில் நடித்துள்ளனர்.
ஒரு இசைப் போட்டியில் பங்கேற்பதற்காக தந்தைக்கு தெரியாமல் ஸ்காட்லாந்து செல்லும் பாடகி அதிதி (ஜியா சங்கர்), அங்கே காதல் தோல்வியால் தற்கொலை முயற்சியில் தனது நினைவாற்றலை இழக்கிறார். அவருக்கு ‘ஆன்டரோகிரேட் அம்னீஷியா’ எனும் பாதிப்பு ஏற்படுகிறது, இதனால் அவர் தூங்கி எழுந்தவுடன் ஒவ்வொரு 24 மணிநேரத்திலும் அவளது நினைவுகள் அழிந்துவிடும்.ஆதிதியை ஒரு தலையாக காதலித்து அவளுக்கு பாதுகாப்பாக பின் தொடர்ந்து வரும் சிறுவயது நண்பரான சித்தார்த் (மதும்கேஷ்) ஸ்காட்லாந்தின் தனிமையான சூழலில் அவளைப் பராமரிக்கிறார். தன்னை அதிதியின் காதலன் என்று சித்தார்த் அடையாளப்படுத்திக் கொள்ள, மற்றொரு பக்கம் அதிதியின் முன்னாள் காதலரான ஹரி (அர்ஜுன் அசோகன்) குறுக்கிடுகிறார். இருவரில் யாரை அதிதி நம்புகிறாள்? தனது கடந்த காலத்தை மீட்டெடுத்தாரா? தனக்காக வாழும் சித்தார்தின் காதலை புரிந்து கொண்டாரா? என்பதே மீதிக்கதை.
படத்தின் நாயகி அதிதியாக ஜியா சங்கரின் நடிப்பு பாராட்டும்படி உள்ளது. ஒவ்வொரு நாளும் விழித்தெழுந்து அலறும் சத்தம், எதிர்படுபவர்களை தாக்க பாய்வது என்று வாழ்க்கையில் என்ன நடக்கிறது என்ற குழப்பம், பயம் மற்றும் மென்மையான காதல் எனப் பல உணர்ச்சிகளைத் தனது நடிப்பில் அழகாக சிறப்பாக வெளிப்படுத்தியுள்ளார்.மதும்கேஷ் சில இடங்களில் இன்னும் கொஞ்சம் முதிர்ச்சியான நடிப்பை வெளிப்படுத்தியிருக்கலாம். ஒரு தலைக் காதலனாக, தன் காதலிக்காக எதையும் செய்யும் தியாகம் மிகுந்த பாத்திரத்தில் நடித்துள்ளார்.
மதும்கேஷ் சில இடங்களில் இன்னும் கொஞ்சம் முதிர்ச்சியான நடிப்பை வெளிப்படுத்தியிருக்கலாம். ஒரு தலைக் காதலனாக, தன் காதலிக்காக எதையும் செய்யும் தியாகம் மிகுந்த பாத்திரத்தில் நடித்துள்ளார்.
ஹரியாக அர்ஜுன் அசோகன் வில்லத்தனம் கலந்த முன்னாள் காதலனாகத் தனது தேர்ந்த நடிப்பை இயல்பாக கொடுத்துள்ளார்.எம்.எஸ். பாஸ்கர் சித்தார்த்திற்கு உதவும் ஒரு கடைக்காரராக வந்து டாக்டராக நடித்து தனது அனுபவ நடிப்பால் படத்திற்குப் பலம் சேர்க்கிறார். எம்.எஸ். பாஸ்கர் வரும் காட்சிகள் சமாளிக்க எடுக்கும் முயற்சிகள் கலகலப்பைத் தருகின்றன.இயக்குநர் ஏ.எல். விஜய், தனது முந்தைய படங்களைப் போலவே ஒரு மென்மையான மற்றும் உணர்ச்சிகரமான காதலைச் சொல்ல முயன்றுள்ளார். ஸ்காட்லாந்தின் பனி படர்ந்த மலைகளுக்கு இடையே ஒரு ‘ஹை-கான்செப்ட்’ ரொமான்ஸைத் தந்துள்ளார். இருப்பினும், முதல் பாதி ஒரே மாதிரியான காட்சிகளால் மெதுவாக நகர்வது சற்று தொய்வை ஏற்படுத்துகிறது. ஒரு பெண்ணைத் தனிமைப்படுத்தி, அவளது நினைவாற்றல் குறைபாட்டைப் பயன்படுத்தி காதலைப் புரிய வைக்கும் திரைக்கதையில் இன்னும் கொஞ்சம் விறுவிறுப்பு சேர்த்திருக்கலாம் இயக்குநர் விஜய்.மனதைத் தொடும் அருமையான காதல் கதை