டிராலாலா மூவிங் பிக்சர்ஸ் சார்பில் ராஜ் நிடிமொரு, சமந்தா, ஹிமான்க் ரெட்டி துவ்வூரு தயாரித்திருக்கும் எங்கள் தங்கம் படத்தை எழுதி இயக்கியிருக்கிறார் டீ ஏ நந்தினி ரெட்டி.
இதில் சமந்தா – ஸ்வர்ணா, திகந்த் மஞ்சாலே – அனிருத், கௌதமி – காமாக்ஷி, ஆனந்த் – ராமய்யா ராஜு, ஸ்ரீ லக்ஷ்மி – பாம்மா, குல்ஷன் தேவய்யா – கருணா, மன்ஜூஷா – கிரண்மயி, சைதன்ய கிருஷ்ணா – சரத், ஸ்ரீPமுகி – அனசூயா ஆகியோர் குறிப்பிட்ட கதாபாத்திரத்தில் நடித்துள்ளனர்.
தொழில்நுட்பக் குழுவினர்கள்:-உருவாக்கியவர்: ராஜ் நிடிமொரு, ஒளிப்பதிவு: ஓம் பிரகாஷ் ஐஎஸ்சி, இசை: சந்தோஷ் நாராயணன், எழுதியவர்கள்: ராஜ் நிடிமொரு, வசந்த் மரிம்கண்டி,சிஈஓ: ஹிமாங்க் ரெட்டி துவ்வுரு, படத்தொகுப்பு: தர்மேந்திர காகராலா, தயாரிப்பு வடிவமைப்பாளர்: உல்லாஸ் ஹைதர், அதிரடி இயக்குனர்: லீ விட்டேக்கர், ஏஜாஸ் யுகுலாப், நடன இயக்குனர்: போனி வர்மா, ஆடை வடிவமைப்பாளர்: பல்லவி சிங், ஃபைட் மாஸ்டர்: மார்வெல் நட்ராஜ்,ஒலி வடிவமைப்பு: பிரதீப் ஜி, ஒலிக்கலவை: அஜித் ஏ ஜார்ஜ், நிர்வாக தயாரிப்பாளர்: ராகேஷ் ரெட்டி கதம், மக்கள் தொடர்பு : யுவராஜ்.
அனாதை இல்லத்தில் வளர்ந்த ஸ்வர்ணா (சமந்தா), தனது காதலன; டாக்டர் அனிருத்தை (திகந்த் மஞ்சாலே) அவனது அரசியல் பின்னணி கொண்ட உயர் வர்க்கக் குடும்பத்தின் சம்மதமின்றி திருமணம் செய்து கொள்கிறாள். அனிருத்தின் தங்கையின் பிரம்மாண்ட திருமணத்திற்காக இந்த ஜோடி தங்களின் பூர்வீக வீட்டிற்கு வரும்போது, மாமியார் காமாக்ஷி (கௌதமி) உள்ளிட்ட ஒட்டுமொத்த குடும்பமும் ஸ்வர்ணாவை வெறுப்புடன் நடத்துகிறது. ஒரு உண்மையான குடும்பத்தின் பாசம் தனக்குக் கிடைக்க வேண்டும் என்பதற்காக, ஸ்வர்ணா சமையல், வீட்டு வேலைகள் என மாமியாருக்குப் பிடித்த மருமகளாக மாறப் போராடி, தன் தோழியின் உதவியோடு அனைவரின் மனதையும் மெதுவாக வெல்கிறாள்.திருமண வீட்டின் கொண்டாட்டங்கள் ஒருபுறம் நகர்ந்துகொண்டிருக்க, ஸ்வர்ணாவின் இருண்ட கடந்த காலம் அவளைத் துரத்தி வருகிறது. அவள் உண்மையில் ஒரு சாதாரணப் பெண் அல்ல சர்வதேச ஆயுதக் கடத்தல் கும்பலின் தலைவன் கருணாவிடமிருந்து (குல்ஷன் தேவய்யா) தப்பித்து, பெயரை மாற்றிக்கொண்டு வாழும் ஒரு ஆபத்தான முன்னாள் போராளி ( ஜான்சி) என்ற அதிர்ச்சி உண்மை உடைகிறது. கருணாவின் ஆட்கள் ஸ்வர்ணாவைக் கண்டுபிடித்து, அவளது புதிய குடும்பத்தையே திருமண வீட்டில் வைத்து பிணைக் கைதிகளாகப் பிடிக்கிறார்கள். அதுவரை அடக்கமான மருமகளாக இருந்த ஸ்வர்ணா, தனது குடும்பத்தைக் காப்பாற்ற வேறு வழியின்றித் தனது சாதுவான முகமூடியைக் கழற்றிவிட்டு, ஆயுதங்களை கொண்டு தாக்கும் கொடூர கும்பலை ஒற்றை ஆளாகத் துவம்சம் செய்யத் தொடங்குவதே ‘எங்கள் தங்கம்’ படத்தின் அதிரடியான கிளைமாக்ஸ்!சுவாரசியங்களும் திருப்பங்களும் எதிர்பார்ப்புகளும் உள்ள ஒரு அருமையான ஆக்சன் திரைப்படம் சமந்தாவின் நேரத்துக்கு ஏற்றார் போல் மாறும் முக பாவங்கள் அருமை பயமில்லாத ஒரு பெண்மையின் அதிரடி அட்டகாசம் இந்த திரைப்படத்தை காணுங்கள்.